Shtëpia gjendet në lagjen Royal Green Residence, në Zllatar, lagje kjo e cila ka një pozitë shumë të mirë me afërsi me qendrën e Prishtinës si dhe mbrapa me një largësi jo të madhe ka liqenin e Badovcit. Shtëpia është e tipit C me sipërfaqe të përgjithshme prej 350m², e ndërtuar në një parcelë prej 3 ari. Shtëpia ka sipërfaqe neto 299.81m² dhe përfshin edhe 50m² shtesë në bodrum, duke ofruar një organizim unik krahasuar me tipet tjera të këtij modeli. Ndryshe nga shtëpitë standarde të tipit C, ku garazhet ndodhen në katin përdhesë dhe bodrumi ka qasje vetëm nga brenda, kjo shtëpi ka garazhe të pozicionuara në bodrum me hyrje direkte nga rruga, ndërsa kati përdhesë është shfrytëzuar tërësisht për dhomën e ndenjës dhe kuzhinën, duke krijuar një hapësirë të bollshme dhe funksionale për jetesë familjare. Përveç planifikimit të veçantë të brendshëm, kjo pronë dallon edhe për pozitën e saj si shtëpi e qoshes, e cila sjell më shumë ndriçim natyral, pamje të hapura dhe intimitet të shtuar. Shtëpia dorëzohet me fasadë dhe dritare të përfunduara ndërsa punët e mbrendshme janë të pa përfunduara, që duhet të përfundohen me investimet e blerësit. Shtëpia ka këtë renditje: - Bodrumi: | 1 Garazhë | 1 Depo | 1 Hapërsirë për rekreacion - Përdhesa: | 1 Dhomë ndenje | 1 Kuzhinë me tryezari | 1 Tualet - Kati i I-rë: | 3 Dhoma gjumi (1 masterbedroom) | 2 Banjo (njëra në dhomë gjumi) | 1 Ballkon - Nënkulmi: | 1 Hapësirë rekreacioni ose mund te kthehet në dhomë gjumi